Թուրքիայի խորհրդարանի խոսնակ Նուման Քուրթուլմուշը Վենեսուելայի նախագահ Նիկոլաս Մադուրոյին ձերբակալելու ԱՄՆ-ի գործողությունը անվանել է միջազգային իրավունքի կոպիտ խախտում և անընդունելի է հայտարարել «ջունգլիների օրենքի» կիրառումը համաշխարհային քաղաքականության մեջ։
«ԱՄՆ ռազմական միջամտությունը Վենեսուելայում և աշխարհին ուղիղ հեռարձակմամբ անկախ պետության ղեկավարի անկողնուց քարշ տալը, ապա դատարանի առաջ կանգնեցնելը միջազգային իրավունքի բացահայտ խախտում է։ Սա «ջունգլիների օրենքի» հստակ դրսևորում է աշխարհի ամենամեծ երկրներից մեկից։ Մարդկությունը պետք է միասնական լինի դրա դեմ», - լրագրողներին ասել է Քուրթուլմուշը։
Ավելի վաղ Թուրքիայի նախագահ Ռեջեփ Թայիփ Էրդողանը դատապարտել էր ԱՄՆ-ի գործողությունները Վենեսուելայի նախագահի դեմ՝ նրա առևանգումը որակելով որպես ինքնիշխանության խախտում և միջազգային իրավունքի անտեսում։
