Անհասկանալի է, թե որքանով է Միացյալ Նահանգները ներգրավված Ուկրաինայի համար անվտանգության երաշխիքների իրականացման գործում, որոնք ցանկանում են տրամադրել եվրոպական երկրները: Վաշինգտոնը հրաժարվել է ստորագրել հրադադարի մոնիթորինգին իր մասնակցության վերաբերյալ փաստաթուղթը, հաղորդում է Politico-ն:
Հրատարակությունը նշում է, որ հունվարի 6-ին արևմտյան «կամավորների կոալիցիայի» հանդիպումից հետո ընդունված փաստաթղթի վերջնական տարբերակը «ջրազրկված էր»։
Հայտարարության մեջ բացառվում էին ԱՄՆ-ի հնարավոր դերի մասին հղումները անվտանգության երաշխիքներ տրամադրելու գործում՝ ներառյալ հետախուզական տվյալների, լոգիստիկ օգնության տրամադրումը և հարձակման դեպքում Եվրոպայում բազմազգ
ուժերին աջակցելու պարտավորությունները։
«Անհասկանալի է, թե որքանով է ԱՄՆ-ը պատրաստ կատարել իր պարտավորությունները», - հրատարակությանը ասել է անանուն պաշտոնյան։
Թերթի աղբյուրի խոսքով՝ այս ֆոնին պետք է հաշվի առնել, որ Ուկրաինայի կառավարությունում վերջին վերադասավորումները վկայում են այն մասին, որ Կիևը պատրաստվում է բանակցությունների հնարավոր ձախողմանը և հակամարտության շարունակմանը։
