Ոչ մի երկիր չի կարող պնդել, որ միջազգային դատավոր է։ Բոլոր պետությունները պետք է հետևեն միջազգային իրավունքին և ՄԱԿ-ի կանոնադրության հիմնարար նպատակներին ու սկզբունքներին, երեքշաբթի օրը հայտարարել է Չինաստանի արտաքին գործերի նախարարության խոսնակ Մաո Նինգը՝ մեկնաբանելով Միացյալ Նահանգների և Վենեսուելայի շուրջ ստեղծված իրավիճակը։
«Չինաստանը մշտապես պաշտպանում է, որ բոլոր երկրները պետք է հարգեն այլ երկրների ժողովուրդների կողմից անկախ ընտրված զարգացման ուղին, ինչպես նաև պահպանեն միջազգային իրավունքը և ՄԱԿ-ի կանոնադրության հիմնարար նպատակներն ու սկզբունքները։ Առաջատար դերը պետք է կատարեն խոշոր երկրները. ոչ մի երկիր չի կարող հանդես գալ որպես միջազգային ոստիկան, և ոչ մի երկիր չի կարող հավակնել միջազգային դատավոր լինելուն», - ասել է Մաո Նինգը։
Նա հավելել է, որ Չինաստանը պաշտպանում է համապարփակ, համագործակցային և կայուն անվտանգության հայեցակարգը և հարգում է բոլոր երկրների ինքնիշխանությունն ու տարածքային ամբողջականությունը, լրջորեն է վերաբերվում բոլոր երկրների անվտանգության վերաբերյալ օրինական մտահոգություններին և պնդում է պետությունների միջև տարաձայնությունների և հակամարտությունների խաղաղ կարգավորման վրա՝ երկխոսության և խորհրդակցությունների միջոցով։
«Մենք պատրաստ ենք համագործակցել բոլոր երկրների հետ՝ միջազգային իրավունքի հեղինակությունը պաշտպանելու, ջունգլիների օրենքին դիմակայելու, ներքին գործերին միջամտությանը դիմադրելու և ամբողջ աշխարհում խաղաղությունն ու կայունությունը համատեղ պաշտպանելու համար», - ընդգծել է դիվանագետը։
