ԱՄՆ հարձակումից հետո Վենեսուելայի իշխանությունները հայտարարել են երկրի զինված ուժերի մոբիլիզացիայի մասին և ռազմական դրություն են մտցրել նավթարդյունաբերության և այլ ոլորտների աշխատակիցների համար, գրում է ՌԻԱ Նովոստին։
«Հրամայվում է անհապաղ մոբիլիզացնել ազգային զինված ուժերը ամբողջ երկրում՝ միաժամանակ օգտագործելով առկա ազգային ուժերը՝ արտաքին ագրեսիան հետ մղելու համար... Պետական ենթակառուցվածքների, նավթարդյունաբերության և այլ կարևոր պետական արդյունաբերությունների ռազմականացում։ Այդպիսի հիմնարկների անձնակազմը ժամանակավորապես կգտնվի ռազմական դրության մեջ», - նշվում է իրավական փաստաթղթերի պորտալում հրապարակված հրամանագրում։
Հրամանագիրը նաև պարտադրում է ուժեղացնել պարեկային ծառայությունները և անվտանգությունը երկրի ցամաքային, օդային և ծովային սահմաններում։
