Շվեյցարիայի Դաշնային խորհուրդը հրամայել է սառեցնել Վենեսուելայի նախագահ Նիկոլաս Մադուրոյի և նրա հետ կապված անձանց բոլոր ակտիվները, ասվում է կառավարության հայտարարության մեջ։
«2026 թվականի հունվարի 5-ին Դաշնային խորհուրդը որոշեց անհապաղ սառեցնել Նիկոլաս Մադուրոյին և նրա հետ կապված այլ անձանց Շվեյցարիայում գտնվող բոլոր ակտիվները։ Դաշնային խորհրդի նպատակն է կանխել ակտիվների արտասահման տեղափոխումը», - ասվում է կառավարության մամուլի հաղորդագրության մեջ։
Հունվարի 3-ին Միացյալ Նահանգները սկսեց լայնածավալ հարձակում Վենեսուելայի վրա՝ գերի վերցնելով նախագահ Նիկոլաս Մադուրոյին և նրա կնոջը՝ Սիլիա Ֆլորեսին, և տեղափոխելով նրանց Նյու Յորք։
ԱՄՆ նախագահ Դոնալդ Թրամփը հայտարարել է, որ Մադուրոն և Ֆլորեսը կդատվեն՝ «նարկոտեռորիզմին» մասնակցելու և Միացյալ Նահանգների համար սպառնալիք ներկայացնելու մեղադրանքով։
Կարակասը պահանջել է ՄԱԿ-ի շտապ նիստ գումարել՝ կապված ԱՄՆ գործողության հետ, իսկ Վենեսուելայի Գերագույն դատարանը պետության ղեկավարի պարտականությունները ժամանակավորապես հանձնարարել է փոխնախագահ Դելսի Ռոդրիգեսին։
