Կոլումբիայի նախագահ Գուստավո Պետրոն հայտարարել է, որ պատրաստ է զենք վերցնել՝ հայրենիքը պաշտպանելու համար, և վստահություն է հայտնել, որ երկրի բնակիչները կկանգնեն իր պաշտպանության տակ, եթե Միացյալ Նահանգները փորձեն գերի վերցնել իրեն, ինչպես Վենեսուելայի առաջնորդ Նիկոլաս Մադուրոյին։
«Չնայած ես երբեք զինվոր չեմ եղել, գիտեմ, թե ինչ են պատերազմը և ընդհատակյա պայքարը։ Ես երդվել եմ 1989 թվականի խաղաղության համաձայնագրից հետո այլևս երբեք զենք չվերցնել, բայց հանուն հայրենիքիս, ես կրկին կվերցնեմ այն զենքը, որը ինձ դուր չի գալիս», - գրել է Պետրոն X-ում։ Երիտասարդության տարիներին Պետրոն եղել է ձախակողմյան արմատական «Ապրիլի 19-ի շարժում» (M-19) կազմակերպության անդամ:
Պետրոն նաև վստահություն է հայտնել, որ կոլումբիացի ժողովուրդը պատրաստ է պաշտպանել իրեն։
«Եթե նրանք ձերբակալեն նախագահին, որին իմ ժողովրդի զգալի մասը սիրում և հարգում է, նրանք կազատ արձակեն ժողովրդի յագուարը», - պնդել է կոլումբիացի առաջնորդը։
Նա նաև հայտնել է, որ հրամայել է ոստիկանության հետախուզական ծառայությունից մի քանի գնդապետների ազատել աշխատանքից՝ «պետության վնասին կեղծ տեղեկություններ փոխանցելու համար»։ «Հուսով եմ, որ [ԱՄՆ պետքարտուղար Մարկո] Ռուբիոն չի հավատում այդ կեղծիքներին», - հավելել է Պետրոն։
