Խունտան պարտավորվել է իրականացնել նոր զիջումներ Ադրբեջանին և Թուրքիային․ Արմեն Այվազյան

31.12 00:44 | Կատեգորիա Մտքեր

Քաղաքական գիտությունների դոկտոր, պատմաբան Արմեն Այվազյանի ֆեյսբուքյան գրառումը․

«2025 թվականին Հայաստանը շարունակեց ընթանալ խորքային և ամբողջական կապիտուլյացիայի և ինքնաոչնչացման ուղեգծով։ Այս առումով առանձնահատուկ նշանակություն ունեն փաշինյանական խունտայի հետևյալ հակապետական, հակասահմանադրական և հակահայկական գործողությունները․

• Վաշինգտոնում ստորագրված համաձայնագրով՝ առայժմ թղթի վրա, խունտան որպես միջանցք հանձնել է Հայաստանի ինքնիշխան տարածքը Ադրբեջանին և ԱՄՆ-ին։

• Խունտան ձեռնարկել է լայնածավալ բռնաճնշումներ և հալածանքներ Հայոց Եկեղեցու և անձամբ Ամենայն Հայոց Կաթողիկոսի դեմ՝ այդ եզակի համահայկական և համաշխարհային կառույցը տրոհելու և կազմալուծելու նպատակով։

• Խունտան փաստացի պատերազմ է հայտարարել Հայոց պատմության և հազարամյա ազգային խորհրդանիշների դեմ՝ հայկական ինքնությունը թուլացնելու և կազմալուծելու նպատակով։

• Խունտան պաշտոնապես և վերջնականապես ուրացել է Արցախը և Արցախյան հիմնախնդիրը՝ Ադրբեջանի առջև կանաչ լույս վառելով Արցախում անարգել մշակութային ցեղասպանություն իրագործելու համար։

• Խունտան պաշտոնապես հրաժարվել է ադրբեջանական ռազմական հանցագործությունները միջազգային իրավական ատյաններում հետապնդելու՝ նախկինում իր իսկ հայտարարած քաղաքականությունից։

• Խունտան կրճատել է ՀՀ Զինված Ուժերում ծառայության ժամկետը՝ մեխանիկորեն նվազեցնելով բանակի թվաքանակը և այդ կերպ կատարելով Ադրբեջանի պահանջը։

• Խունտան պարտավորվել է իրականացնել նոր զիջումներ Ադրբեջանին և Թուրքիային, այդ թվում՝ փոխել ՀՀ Սահմանադրությունը և դյուրացնել ադրբեջանցիների ու թուրքերի ներհոսքը Հայաստան։ Եվ այլն, և այլն…

Խունտան իրականում իրականացնում է թշնամի գլոբալիստական ուժերի ծրագիրը և վայելում նրանց անվերապահ աջակցությունը։ Այս հանցավոր արդյունքներին նա հասել է՝ օգտվելով տարվա ընթացքում պաշտոնական «ընդդիմության» բացարձակ և դավաճանական անգործությունից, որն իր հերթին պայմանավորված է վերջինիս ոչ ինքնուրույն քաղաքական ուժ լինելուց և նույն օտար կենտրոններից ծանր կախվածությունից։

2026 ԹՎԱԿԱՆԸ ԿԱՐՈՂ Է ՀԱՅԱՍՏԱՆԻ ՀԱՄԱՐ ԴԱՌՆԱԼ ՎՃՌՈՐՈՇ․ կա՛մ երկիրը դուրս է գալու գաղութացման ու թուրքացման ներկայիս կործանարար ուղեգծից և աստիճանաբար վերականգնելու է իր ինքնիշխանությունը, ներքին ու արտաքին նվազագույն անհրաժեշտ պաշտպանունակությունը և, վերջապես, տարրական ազգային արժանապատվությունը, կա՛մ հատելու է անդառնալիության սահմանը և կորցնելու է իր ազգային դիմագիծն ու անկախության վերջին նշույլները։

Եվ թեև մեզ ծանր տարի է սպասվում, և թեև երբեմն թվում է, թե ամբողջ աշխարհն է ելել մեր դեմ, այնուամենայնիվ՝

ՇՆՈՐՀԱՎՈՐ, ՔԱՋ ՀԱՅԵ՛Ր, ՁԵՐ ՆՈՐ ՏԱՐԻՆ ԵՎ ՍՈՒՐԲ ԾՆՈՒՆԴԸ։

ԻՆՉ ԷԼ ԼԻՆԻ՝ ՄԵՆՔ ՄԵՐՆ ԱՍԵԼՈՒ ԵՎ ԱՆԵԼՈՒ ԵՆՔ՝ Ի ՀԵՃՈՒԿՍ ԲՈԼՈՐ ԹՇՆԱՄԻՆԵՐԻ ԵՎ ԴԱՎԱՃԱՆՆԵՐԻ։

ԱՍՏՎԱԾՆ ԱՌԱՋ»։

Ամենաշատ կարդացվածներ

Մեր հավատը` գործերի փոխված, դարձրել է մեզ մեծագործ ժողովուրդ, մենք մարմնավորել ու հաստատել ենք մեր սերն առ Աստված. Գարեգին Բ

31.01 22:39 | Կատեգորիա Հասարակություն

Ռեփեր P. Diddy–ն ակնարկել է Թուփաքի սպանության հետ կապ ունենալու մասին

30.01 02:00 | Կատեգորիա Ժամանց

Հրազդանի «Գայի պոստ»-ի մոտ բախվել են «Mercedes»-ը, «Լադա»-ն և «Hyundai Elantra»-ն

31.01 22:21 | Կատեգորիա Պատահարներ

ՀՖՖ-ն դեմ է Նիկիտա Սիմոնյանի անունով փողոց անվանակոչելուն

31.01 20:46 | Կատեգորիա Սպորտ

ՔԿ-ն պարզել է՝ արդյոք Առուշ Առուշանյանն առննչություն ունեցե՞լ է իր վարորդի սպանության դեպքի հետ

31.01 20:50 | Կատեգորիա Հասարակություն

Ինչպես է ՔԿ-ն մեկնաբանում եպիսկոպոսների նկատմամբ բացակայելու արգելք խափանման միջոցի ընտրությունը

31.01 22:00 | Կատեգորիա Հասարակություն

Լավրովը խոսել է երրորդ համաշխարհային պատերազմի սկսվելու հավանականության մասին

29.01 20:33 | Կատեգորիա Համաշխարհային

Խնդրեցի Պուտինին մեկ շաբաթ չկրակել Կիևի և այլ քաղաքների վրա, նա համաձայնեց․ Թրամփ

29.01 21:45 | Կատեգորիա Քաղաքական

Հայաստանը տարածաշրջանի ամենաաղքատ երկիրն է․ այս կառավարությունը ո՞նց է թույլ տալիս 3մլրդ պարգևավճար

31.01 21:06 | Կատեգորիա Քաղաքական

ՈՒՂԻՂ

ՀԷՑ-ից նամակ են ուղարկել Նիկոլ Փաշինյանին միացած տիրադավ Անուշավան Ժամկոչյանին. Գրիգոր Լուսավորիչ եկեղեցու հոսանքի գինը կզեղչեն