Կամբոջան կոչ է արել ՄԱԿ-ին և միջազգային հանրությանը պաշտպանել իրեն թայլանդական ագրեսիայից, ըստ Կամբոջայի տեղեկատվության նախարար Նեթ Ֆեակտրայի, որին մեջբերել է «Խմեր Թայմս»-ը։
Նրա խոսքով՝ Թաիլանդի կողմից Կամբոջայի դեմ ռազմական գործողությունները ձեռնարկվում են ոչ թե ինքնապաշտպանության նպատակով, ինչպես պնդում է թաիլանդական կողմը, այլ ներկայացնում են հարձակում Կամբոջայի ինքնիշխանության և տարածքային ամբողջականության վրա։
«Սա Կամբոջայի ինքնիշխանության և տարածքային ամբողջականության դեմ բացահայտ հարձակում է, որը պահանջում է ՄԱԿ-ից և միջազգային հանրությունից անհապաղ գործողություններ՝ այս ագրեսիան և կամբոջացի ժողովրդի դեմ սարսափելի հանցագործությունները դադարեցնելու համար», - ընդգծել է նախարարը։
Նա նշել է, որ Թաիլանդը ոչ միայն հարձակումներ է սկսել կամբոջական զորքերի վրա, որոնք պաշտպանում էին իրենց երկրի ինքնիշխանությունն ու տարածքային ամբողջականությունը, այլև թիրախավորել է նրա քաղաքացիական անձանց և քաղաքացիական ենթակառուցվածքները։
