Միացյալ Նահանգները պնդում է, որ Ուկրաինայի հարցի կարգավորման շուրջ քննարկումների շրջանակներում առաջընթաց է գրանցել տարածքային հարցում, հաղորդում է Politico-ն՝ հղում անելով ամերիկացի պաշտոնյայի։
Axios պորտալը, հղում անելով անանուն ամերիկացի պաշտոնյայի, նախկինում հաղորդել էր, որ ԱՄՆ-ն, Բեռլինում Ուկրաինայի և Եվրոպայի հետ բանակցություններից հետո, չի կարողացել համաձայնության գալ տարածքային հարցի շուրջ։
«Մենք լավ զգացողություն ունենք ձեռք բերված առաջընթացի վերաբերյալ, այդ թվում՝ տարածքների հարցում», - ասել է ամերիկացի պաշտոնյան։
Հրատարակությունը նշում է, որ ԱՄՆ նախագահի դեսպանորդ Սթիվ Ուիթքոֆը և ամերիկացի առաջնորդի փեսան՝ ձեռնարկատեր Ջարեդ Քուշները, կարող են քննարկել այս հարցը ռուսական կողմի հետ՝ Կիևի կողմից առաջարկներին պատասխան ստանալուց հետո։
