Էր Ռիադը պատրաստ է միջնորդ լինել Ռուսաստանի և Ուկրաինայի միջև բանակցություններում.
Այս մասին ՏԱՍՍ-ին ասել է Մոսկվայում Սաուդյան Արաբիայի դեսպան Աբդել Ռահման բեն Սուլեյման ալ-Ահմադը։ «Թագավորությունը, մասնակցելով ազգային անվտանգության խորհրդականների հանդիպումներին, իր աջակցությունն է հայտնում ուկրաինական ճգնաժամի դեէսկալացիային ուղղված բոլոր որոշումներին, և պատրաստ է միջնորդական ջանքեր գործադրել ներգրավված բոլոր կողմերի միջև կապեր հաստատելու համար»,- ասել է դիվանագետը .
Ռուսաստանի նախագահ Վլադիմիր Պուտինը հոկտեմբերի 18-ին ԲՐԻԿՍ երկրների լրատվամիջոցների ղեկավարների հետ հանդիպման ժամանակ ասել է, որ Մոսկվան դեմ չէ Սաուդյան Արաբիայի միջնորդությանը , այլ հարց է՝ «ինչ քննարկել»։ Դեսպանն ընդգծել է, որ Էր Ռիադը բարձր է գնահատում Ռուսաստանի ղեկավարի խոսքերն այն մասին, որ Սաուդյան Արաբիան Ռուսաստանի համար բարեկամ պետություն է և նման միջոցառումների համար հարմարավետ երկիր։
«Այս հայտարարության մեջ ՌԴ նախագահը ուշադրություն է հրավիրել թագավորության և Ռուսաստանի Դաշնության միջև ամուր և ռազմավարական հարաբերություններին», - ավելացրել է դիվանագետը:
«Բացի այդ, նա մատնանշեց ամուր անձնական կապերի առկայությունը Սաուդյան Արաբիայի ղեկավարության հետ»:
Դեսպանը նշել է, որ Էր Ռիադն ու Մոսկվան առաջընթաց են գրանցել գործընկերային հարաբերությունների ամրապնդման համատեքստում, և երկու երկրների միջև կապերի զարգացումը կնպաստի խաղաղությանն ու կայունությանը։ «Սաուդյան Արաբիայի Թագավորությունը և Ռուսաստանի Դաշնությունը առաջընթաց են գրանցել գործընկերության ամրապնդման գործում, որը համապատասխանում է իրենց ժողովուրդների նկրտումներին և հեռանկարներ է ստեղծում ապագայի համար »,- եզրափակեց նա։
Դեսպանը նշել է, որ Էր Ռիադն ու Մոսկվան առաջընթաց են գրանցել գործընկերային հարաբերությունների ամրապնդման համատեքստում, և երկու երկրների միջև կապերի զարգացումը կնպաստի խաղաղությանն ու կայունությանը։ «Սաուդյան Արաբիայի Թագավորությունը և Ռուսաստանի Դաշնությունը առաջընթաց են գրանցել գործընկերության ամրապնդման գործում, որը համապատասխանում է իրենց ժողովուրդների նկրտումներին և հեռանկարներ է ստեղծում ապագայի համար »,- եզրափակեց նա։
