«Ինչ վերաբերում է ուսուցիչների աշխատավարձին, ամենայն հարգանքով, երբ որ մենք խոսում ենք համակարգի ընդհանուր թվերի մասին և դուք վկայաբերում եք ձեր մի քանի ուսուցչի զանգը, վարվում եք նույն կերպ ինպես, ինձ էիք Ձեր խոսքի սկզբում հղում, որ տանձը խնձորի հետ եմ համեմատում»,-ԱԺ բյուջետային լսումների ժամանակ «Հայաստան» խմբակցության պատգամավոր Արթուր Խաչատրյանին դիմեց ԿԳՄՍ նախարար Ժաննա Անդրեասյանը։
Մինչ այդ Արթուր Խաչատրյանը հայտնեց, որ կապվել է մի քանի դպրոցների ուսուցիչների հետ և նրանք հայտնել են, որ Անդրեասյանի հայտարարած ցուցանիշը թե ուսուցիչների կեսից ավելին ստանում է 300 դրամից ավել աշխատավարձ, իրենց դպրոցներում չեն պահպանվում։
Անդրեասյանը նշեց, որ եթե վիճակագրական ցուցանիշներ է ներկայացվում, ապա խաչատրյանը պետք է համարժեք ցուցանիշներ բերեր։
«Մենք համակարգում ունենք ավելի քան 30 հազար ուսուցիչ և կախված նրանից, թե որ մեկս որ ուսուցչին կզանգի, կհայտնվենք այն հին հնդկական փղի հայտնի պատմվածքում, երբ ամեն մեկը փղի մարմնի տարբեր հատվածն էր շոշափել և դրանից ելնելով էլ ամենատարբեր տպավորություններ ստացել, թե կենդանին ինչ պատկեր ունի։ Կարծում եմ, որ մենք բոլորս բավարար հասունություն ունենք մեզ այդ վիճակում չդնելու համար»։
Նա հայտնեց, որ դպրոցների օպտիմալացման մասին չեն խոսում, այլ քաղաքականության հմնական նպատակը որակյալ կրթության հասանելիության ապահովումն է և այսօր այդ նպատակով կառուցում են 223 նոր դպորց։
Աղբյուր` Panorama.am
