Դեկտեմբերի 9-ին Չեխիայի վարչապետ նշանակված Անդրեյ Բաբիշը խոստացել է հանրապետությունը դարձնել մոլորակի վրա ապրելու լավագույն վայրը։ Քաղաքական գործչի խոսքերը մեջբերել է Idnes լրատվական պորտալը։
Բաբիշը հայտարարել է, որ որպես վարչապետ՝ ինքը կպաշտպանի չեխ քաղաքացիների շահերը «ոչ միայն հայրենիքում, այլև ամբողջ աշխարհում»։ Նա խոստացել է անել «ամեն ինչ, որպեսզի Չեխիան դառնա ամբողջ մոլորակի վրա ապրելու լավագույն վայրը»։
Պորտալի տվյալներով՝ Չեխիայի նախագահ Պետր Պավելը ակնկալում է, որ Բաբիշը կներկայացնի նոր կառավարությունում նախարարական պաշտոնների թեկնածուների ցուցակը։ Դրանից հետո պետության ղեկավարը կհայտարարի նոր կաբինետի նշանակման արարողության ամսաթիվը։
