ԱՄՆ-ի հակաօդային պաշտպանության հրթիռների որոշ տեսակների պաշարները նվազում են՝ սահմանափակելով Վաշինգտոնի կարողությունը արձագանքելու Մերձավոր Արևելքում և Ուկրաինայում հակամարտություններին, ինչպես նաև Ասիա-Խաղաղօվկիանոսյան տարածաշրջանում հնարավոր բռնկումներին:
Այս մասին հայտնում է The Wall Street Journal-ը (WSJ)՝ վկայակոչելով ամերիկացի վերլուծաբաններին ու պաշտոնյաներին։
Այս մասին հայտնում է The Wall Street Journal-ը (WSJ)՝ վկայակոչելով ամերիկացի վերլուծաբաններին ու պաշտոնյաներին։
«Միացյալ Նահանգները չկարողացավ զարգացնել պաշտպանական արդյունաբերական բազա, որն ի վիճակի կլինի դիմակայելու լայնածավալ քայքայման պատերազմի մարտահրավերներին, ինչպես Եվրոպայում, այնպես էլ Մերձավոր Արևելքում՝ միաժամանակ պահպանելով սեփական[մարտական պատրաստվածությունը», - բացատրեց Էլիաս Յուսիֆը։
«Այս երկու պատերազմներն էլ երկարաձգված հակամարտություններ են, որոնք չեն եղել ԱՄՆ պաշտպանության պլանավորման մաս», - ավելացրեց նա:
Թերթի զրուցակիցների խոսքով՝ թեեւ վերջին տարիներին ԱՄՆ-ը հակաօդային պաշտպանության հրթիռների պաշարներ է կուտակում, սակայն վերջին շրջանում դրանց կիրառումը զգալիորեն աճել է։
Արտադրական հզորությունները նվազում են, ինչը Պենտագոնում մտահոգություններ է առաջացնում:
Միևնույն ժամանակ, սպառազինության արտադրության արագ աճը խնդրահարույց է, քանի որ այն պահանջում է ընկերություններից բացել նոր հավաքման գծեր, ընդլայնել կարողությունները և վարձել լրացուցիչ աշխատողներ: Պաշտպանական ընկերությունները հաճախ չեն ցանկանում ներդրումներ կատարել այս հարցում՝ առանց երաշխիքների, որ Պենտագոնը մեծ քանակությամբ զենք կգնի երկար ժամանակ:
Նշվում է, որ խոսքն առաջին հերթին տարբեր տեսակի Standard Missile հրթիռների մասին է, որոնք սովորաբար արձակվում են նավերից։
Դրանք օգտագործվում են Միացյալ Նահանգների կողմից հիմնականում Իսրայելի տարածքը Իրանի հրթիռային հարձակումներից պաշտպանելու համար և կարևոր նշանակություն ունեն Եմենի Անսար Ալլահ ապստամբների շարժման հութիների հարձակումները Կարմիր ծովում արևմտյան նավերի վրա դադարեցնելու համար:
2023 թվականի հոկտեմբերին Իսրայելի վրա պաղեստինյան ՀԱՄԱՍ-ի հարձակումից հետո ԱՄՆ-ն ավելի քան 100 Standard Missile հրթիռ է արձակել, հայտնել են ԱՄՆ պաշտոնյաները։
