Aysor.am-ը գրում է․
Այսօր տարածվեց եպիսկոպոսների ու արքեպիսկոպոսների ստորագրությամբ հայտարարություն, որով վերջիններս Վեհափառ Հայրապետից պահանջում են, որ Արշակ Սրբազանը լքի Մայր Աթոռը։
Ըստ այդ հայտարարության՝ փորձաքննությամբ հաստատվել է Արշակ Սրբազանի մասնակցությամբ տեսանյութերի իսկությունը։
Հայտարարության տակ ստորագրել են այնպիսի հոգևորականներ, որոնց մասին տարիներ շարունակ խոսվում է, որ նրանք նույնպես խախտել են կուսակրոնության ուխտը։Օրինակ՝ հայտարարության տակ ստորագրել է Կոտայքի թեմի առաջնորդ Առաքել արքեպիսկոպոս Քարամյանը։ Ըստ լուրերի՝ նա ԱԱԾ նախկին տնօրեն, ՀՀ քննչական կոմիտեի նախկին նախագահ Արգիշտի Քյարամյանի հայրն է։Aysor.am-ի հետ զրույցում Առաքել Սրբազանն ասաց, թե որևէ մեկնաբանություն չի տալիս։«Աստված օրհնի ձեզ, ինչ որ գրված է՝ գրված է»,- նշեց Սրբազանն ու անջատեց հեռախոսը։
Հայտարարության տեքստում նշված են անուններ, սակայն նրանց ստորագրությունները բացակայում են, օրինակ՝ Արթիկի թեմի առաջնորդ Նարեկ եպիսկոպոս Ավագյանի անունը։Նարեկ Սրբազանից հետաքրքրվեցինք՝ անհասկանալի է՝ միանո՞ւմ է այդ հայտարարությանը, թե՞ ոչ։ «Եթե միանամ, ստորագրեմ՝ բացատրություն կտամ, առայժմ՝ ոչ մի բան»,- Aysor.am-ի հետ զրույցում նշեց Նարեկ Սրբազանը։Անունը կա, բայց չի ստորագրել նաև Վայոց ձորի թեմի առաջնորդ Աբրահամ Սրբազանը։ Սրբազանն Aysor.am-ին ասաց, որ չի ստորագրել այդ հայտարարության տակ, բայց իր տեսակետի մասին կհայտարարի։
