Ի՞նչ իրավիճակ է Տավուշում․ հրդեհաշիջման աշխատանքները շարունակվում են

26.11.2025 21:26 | Կատեգորիա Պատահարներ

Նոյեմբերի 26-ի՝ ժամը 21:00-ի դրությամբ, Ներքին գործերի նախարարության Փրկարար ծառայության հրշեջ-փրկարարական ստորաբաժանումները շարունակում են իրականացնել ինտենսիվ հրդեհաշիջման աշխատանքներ Տավուշի մարզում։ Այդ մասին հայտնում են ՀՀ Ներքին գործերի նախարարությունից․

«Հրդեհաշիջման աշխատանքներին ներգրավված են ՆԳՆ Փրկարար ծառայության մեծաթիվ ուժեր, պետական և համայնքային գերատեսչությունների աշխատակիցներ․ ներգրավված է նաև անհրաժեշտ տեխնիկա։

Հրդեհաշիջման գործողությունները կազմակերպվում և կառավարվում են տեղում ձևավորված օպերատիվ շտաբի կողմից։ Շտաբի ղեկավարումը իրականացնում է ՆԳՆ Փրկարար ծառայության տնօրեն-ՆԳ նախարարի տեղակալ Կամո Ցուցուլյանը։ Տեղում ՆԳ նախարարի մամուլի քարտուղար, ՆԳՆ հանրային հաղորդակցության և իրազեկման վարչության պետ Նարեկ Սարգսյանը համակարգում և իրականացնում է լրատվամիջոցների հետ հաղորդակցությունը՝ ներկայացնելով օպերատիվ տեղեկատվություն և ընթացիկ զարգացումները։

Օպերատիվ և համակարգված միջոցառումների հետևանքով ամբողջությամբ մարվել են՝Շիրակի մարզի Ձորաշեն բնակավայրի, Գեղարքունիքի մարզի Ճամբարակ–Թթուջուր ճանապարհահատվածի, Սյունիքի մարզի Վերին Հանդ բնակավայրի, Տավուշի մարզի Դիլիջանի «Կազաչի» հատվածի հրդեհները։ Տավուշի մարզի Նավուր համայնքի տարածքում հրդեհը մեկուսացվել է։

Դիլիջանի ոլորանների և «Լեռնային Հայաստան» առողջարանի մոտակա անտառային հատվածներում, շարունակվում են ինտենսիվ հրդեհաշիջման աշխատանքները։ Հիմնականում այրվել է խոտածածկ և բուսածածկ տարածք, ջերմահարվել են ծառեր:

Այս պահին աշխատանքները լիարժեք վերահսկվում են, և իրականացվող միջոցառումները կշարունակվեն մինչև բոլոր հրդեհային օջախների ամբողջական մարում։

Ցավով հայտնում ենք, որ լայնածավալ գործողությունների ընթացքում՝ ծառայողական պարտականությունները կատարելիս, տեղի է ունեցել դժբախտ պատահար․ զոհվել է հրշեջ-փրկարար, փրկարար ծառայության սերժանտ Տարոն Սիմոնյանը։ Եվս չորս ծառայող շարունակում են ստանալ անհրաժեշտ բժշկական օգնություն։ Ներքին գործերի նախարարությունն իր խորին ցավակցությունն է հայտնում զոհված ծառայողի ընտանիքին, հարազատներին և ծառայակիցներին։

Հանրությանը կրկին հորդորում ենք խստորեն պահպանել հրդեհային անվտանգության կանոնները, լինել զգոն և ցանկացած հրդեհի կամ ծխի դեպք նկատելու դեպքում անմիջապես զանգել 911։

Նշենք, որ պարբերաբար թարմացված տեղեկատվությունը հասանելի է Ներքին գործերի նախարարության փրկարար ծառայության պաշտոնական հարթակներում»։

Ամենաշատ կարդացվածներ

Պատանիների փայլուն ելույթը` Թաոլու-Գունգֆուի ՀՀ առաջնությունում. ովքեր են հաղթողները

14.04.2026 20:43 | Կատեգորիա Մամուլ

Թիրախում՝ Հորմուզը․ ԱՄՆ-ն սկսում է վտանգավոր խաղ (տեսանյութ)

14.04.2026 19:47 | Կատեգորիա Համաշխարհային

Բազմամարդ հանրահավաքով ի՞նչ «մեսիջ» տվեց «Ուժեղ Հայաստանը» Նիկոլ Փաշինյանին. «Փաստ»

14.04.2026 08:52 | Կատեգորիա Մամուլ

«Ահա այս ձայնագրության համար են ձերբակալել կրծքով կերակրող բազամազավակ մորը, մեր ուժեղ Գոհար Ղումաշյանին». Նարեկ Կարապետյանը մանրամասներ է հայտնում (Տեսանյութ)

15.04.2026 00:57 | Կատեգորիա Մամուլ

Թրամփը կարծում է, որ Մեծ Բրիտանիան պետք է ընդլայնի նավթի արդյունահանումը Հյուսիսային ծովում

14.04.2026 21:40 | Կատեգորիա Համաշխարհային

Հակակոռուպցիոն կոմիտեի կողմից բացահայտվել են բարեգործության արգելքի խախտման դեպքեր (տեսանյութ)

14.04.2026 19:35 | Կատեգորիա Քաղաքական

ՀՀ ԱԳ նախարարը և և ԵՄ հանձնակատարը մտքեր են փոխանակել տարածաշրջանային զարգացումների շուրջ

14.04.2026 21:31 | Կատեգորիա Մամուլ

«Իրենց դրամապանակի վրա են զգալու հետևանքները»․ ՌԴ-ից հնչած հայտարարությունների հետքերով (տեսանյութ)

14.04.2026 22:30 | Կատեգորիա Քաղաքական

Երբ կարող է պատերազմ սկսվել Թուրքիայի և Իսրայելի միջև. Արշակ Սրբազանը չի կալանավորվի (տեսանյութ)

14.04.2026 20:00 | Կատեգորիա Հասարակություն

ՈՒՂԻՂ

«Հասկանում եմ՝ ինչ վիրավորանքներ կարող են լինել, բայց պարտավոր եմ երիտասարդներին թողնել խաղաղ ՀՀ»