Նոյեմբերի 25-ին, խոշոր ավտովթար է տեղի ունեցել Երևանում։ Ժամը 22։10-ի սահմաններում Արգավանդի խաչմերուկի հարևանությամբ՝ Կենտրոնական փողոցի 4 հասցեի դիմաց, Արարատի մարզի բնակիչ 25-ամյա Գնել Ս․-ն իր վարած «ՎԱԶ 2121» մակնիշի ավտոմեքենայով բախվել են «Mercedes S580» մակնիշի, «Jeep Renegade» մակնիշի և ճանապարհի թույլատրելի հատվածում կայանված «Toyota» մակնիշի ավտոմեքենաներին, ապա բախվել երկաթե դարպասին։
Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների, բարեբախտաբար տուժածներ չկան։
Գ․ Շամշյանի տեղեկություններով՝ «ՎԱԶ 2121»-ի վարորդ Գնել Ս․-ն ավտոմեքենա վարելու իրավունքի վկայական չի ունեցել։
