«Բարսելոնան» համաձայնության է հասել Գերմանիայի հավաքականի եւ Մյունխենի «Բավարիայի» նախկին գլխավոր մարզիչ Հանս-Դիտեր Ֆլիկի հետ, որը ամռանը կփոխարինի իսպանացի Չավիին։
Կատալոնական ակումբը երկու տարվա պայմանագիրը կկնքի գերմանացի մասնագետի հետ, հաղորդում է Sport.es-ը։Ֆլիկը ցանկանում է երկարաժամկետ նախագիծ իրականացնել «Բարսելոնայում»՝ ընդունելով ակումբի ծանր ֆինանսական վիճակը եւ աստղային խաղացողների ձեռք բերելու անհնարինությունը։ Ֆլիկը չի պահանջել բարձր աշխատավարձ, սակայն տիտղոսներ նվաճելու դեպքում կստանա խոշոր բոնուսներ։
