«Եթե մեր վրացի հարևանների կողմից շփումների լրացուցիչ առաջարկներ լինեն, իհարկե, մենք դրանք կդիտարկենք։
Մենք երբեք չենք խուսափել շփումներից»,- երկուշաբթի օրը կայացած մամուլի ասուլիսի ժամանակ ասել է Լավրովը։
ՏԱՍՍ պետական գործակալության լրագրողը Լավրովին հարց է ուղղել Վրաստանի իշխանությունների հետ երկխոսելու Ռուսաստանի պատրաստակամության մասին, եթե նրանք հնարավոր համարեն Մոսկվա գալ։
Վրաստանի և Ռուսաստանի միջև դիվանագիտական հարաբերություններ չկան արդեն 16 տարի.
Թբիլիսին դրանք կտրեց օգոստոսյան պատերազմից հետո՝ ի պատասխան Մոսկվայի կողմից անջատված Աբխազիայի և Ցխինվալի շրջանի անկախության ճանաչման:
Այսօր Վրաստանի և Ռուսաստանի միջև երկխոսությունը պահպանվում է ժնևյան միջազգային քննարկումների և Պրահայում երկու երկրների դիվանագետների կանոնավոր հանդիպումների շրջանակներում։
Ընդդիմությունը կարծում է, որ «Վրացական երազանքի» Մոսկվայի հետ կապ է պահպանում ոչ պաշտոնական ուղիներով։