ԱՄՆ նախագահ Դոնալդ Թրամփը Truth Social-ում հրապարակել է արհեստական ինտելեկտի կողմից ստեղծված տեսանյութ, որտեղ նա ֆուտբոլ է խաղում պորտուգալացի ֆուտբոլիստ Կրիշտիանու Ռոնալդուի հետ Սպիտակ տան Օվալաձև աշխատասենյակում։
Գրառման վերնագրում Թրամփը նշել է. «Ռոնալդուն հիանալի տղա է։ Հաճելի էր նրա հետ հանդիպելը Սպիտակ տանը»։ Նրանց հանդիպումը տեղի է ունեցել նոյեմբերի 19-ին։
Ռոնալդուն 40 տարեկան է, նա Չեմպիոնների լիգայի հնգակի հաղթող է, Եվրոպայի չեմպիոն, Ազգերի լիգայի երկակի հաղթող, ինչպես նաև ազգային հավաքականների, Եվրոպայի առաջնությունների, Չեմպիոնների լիգայի և Աշխարհի ակումբային առաջնությունների պատմության լավագույն ռմբարկուն։
2022 թվականի դեկտեմբերին Ռոնալդուն տեղափոխվեց Սաուդյան Արաբիայի «Ալ-Նասր»։ Նա նաև խաղացել է պորտուգալական «Սպորտինգ Լիսաբոնում», անգլիական «Մանչեսթեր Յունայթեդում», իտալական «Յուվենտուսում» և իսպանական «Ռեալ Մադրիդում»։
Նա Պորտուգալիայի հավաքականի անդամ է 2003 թվականից։
