ԱՄՆ նախագահ Դոնալդ Թրամփը հայտարարել է, որ նոյեմբերի 21-ին Սպիտակ տանը կհանդիպի Նյու Յորքի քաղաքապետ ընտրված Զոհրան Մամդանիի հետ, ում ամերիկացի առաջնորդը նախկինում կոշտ քննադատության էր ենթարկել։
Վաշինգտոնի վարչակազմի ղեկավարը չորեքշաբթի օրը Truth Social-ին հայտնել է, որ Մամդանին «հանդիպում է խնդրել»։ «Մենք համաձայնության ենք եկել, որ այս հանդիպումը տեղի կունենա [Սպիտակ տան] Օվալաձև աշխատասենյակում ուրբաթ՝ նոյեմբերի 21-ին», - հավելել է Թրամփը։
Թրամփը նախկինում հայտարարել էր, որ Մամդանին հույս ունի հանդիպել իր հետ Վաշինգտոնում: Նյու Յորքի քաղաքապետի ընտրությունները տեղի են ունեցել նոյեմբերի 4-ին: Թրամփը կոչ արեց Նյու Յորքի բնակիչներին քվեարկել Էնդրյու Կուոմոյի օգտին, ով առաջադրվել էր որպես անկախ թեկնածու:
Ամերիկացի առաջնորդը նաև սպառնացել է սահմանափակել Նյու Յորք քաղաքի դաշնային ֆինանսավորումը, եթե հաղթի Մամդանին, որին նա կոմունիստ է համարում: Ընտրված քաղաքապետն ինքն իրեն նկարագրում է որպես «դեմոկրատ սոցիալիստ»:
