Բելառուսի նախագահ Ալեքսանդր Լուկաշենկոն շուտով կհյուրընկալի Եգիպտոսի նախագահ Աբդել Ֆաթթահ աս-Սիսիին, հաղորդում է BelTA-ն։
«Շնորհակալություն եմ հայտնում Բելառուսի Հանրապետություն այցելելու հրավերն ընդունելու համար։ Անհամբեր սպասում եմ Ձեզ հետ շուտով հանդիպմանը և վստահ եմ, որ դա նոր խթան կհաղորդի երկկողմ համագործակցությանը և երկու երկրների շահերին ծառայող համատեղ նախագծերի իրականացմանը», - ասել է Բելառուսի ղեկավարը՝ շնորհավորելով իր եգիպտացի գործընկերոջը ծննդյան օրվա կապակցությամբ։
Լուկաշենկոն նշել է Եգիպտոսի նախագահի անձնական ներդրումը տարածաշրջանային կայունության ամրապնդման և Մերձավոր Արևելքի ու Աֆրիկայի բարդ ճգնաժամերի դիվանագիտական լուծումների հասնելու գործում։
Նա նաև ընդգծել է, որ բելառուսա-եգիպտական հարաբերությունները շարունակում են զարգանալ փոխադարձ վստահության և բարեկամության հիման վրա։
