Վրաստանի իշխանությունները որոշել են վերացնել Հարավային Օսիայի ժամանակավոր վարչակազմը, հայտարարել է խորհրդարանի խոսնակ Շալվա Պապուաշվիլին։
Խոսքը վերաբերում է այն կառույցին, որը ստեղծվել է Միխեիլ Սաակաշվիլիի օրոք և 2008 թվականից հետո գոյություն է ունեցել հանրապետության սահմաններից դուրս։
«Կառավարության հետ համաձայնությամբ մենք որոշել ենք վերացնել Հարավային Օսիայի նախկին ինքնավար մարզի տարածքում ստեղծված վարչատարածքային միավորի վարչակազմը», - ճեպազրույցի ժամանակ ասել է Պապուաշվիլին։
ԽՍՀՄ փլուզումից և Վրաստանի հետ զինված հակամարտությունից հետո, Հարավային Օսիան 1992 թվականին գոյություն ուներ որպես չճանաչված հանրապետություն՝ վերահսկելով իր պահանջած տարածքի միայն մի մասը: Հարավային Օսիայի զգալի մասը, մասնավորապես՝ գրեթե ամբողջ Լենինգորիի շրջանը և Ցխինվալից հյուսիս գտնվող մի քանի գյուղեր, մնացին Թբիլիսիի վերահսկողության տակ:
