Գազայի հատվածի վերաբերյալ ՄԱԿ-ի Անվտանգության խորհրդում շրջանառված ԱՄՆ-ի կողմից բանաձևի նախագիծը չի բարելավի անկլավում իրավիճակը, եթե այն ընդունվի, հայտարարել է ՀԱՄԱՍ-ի խոսնակ Հազեմ Քասեմը։
«ԱՄՆ-ի բանաձևի նախագծի փոփոխություններն ու հիմնական դրույթները նպատակ չունեն կայունացնել Գազայում իրավիճակը», - ասել է նա «Ալ Ջազիրա»-ին:
Քասեմի խոսքով՝ ԱՄՆ-ի բանաձևի այլընտրանքը կլինի մի փաստաթուղթ, որը «կամրապնդի հրադադարը և թույլ կտա միջազգային խաղաղապահ ուժերի ձևավորումը Գազայի հատվածում»:
Նոյեմբերի 17-ին Անվտանգության խորհուրդը կքվեարկի Գազայի հատվածի վերաբերյալ ԱՄՆ-ի կողմից մշակված բանաձևի շուրջ: Ինչպես նախկինում հայտնել էր ՄԱԿ-ում ԱՄՆ մշտական ներկայացուցչությունը, փաստաթուղթը ներառում է «միջազգային կայունացման ուժերի» ստեղծմանը նպաստող և «Գազայի պաղեստինցիների համար Համասի առանց կայուն, անվտանգ, խաղաղ և բարգավաճ ապագա» ապահովող դրույթներ:
