ԱՄՆ նախագահ Դոնալդ Թրամփը հայտարարել է, որ ԱՄՆ ներկայացուցիչների պալատի անդամ Մարջորի Թեյլոր-Գրինի (հանրապետական, Ջորջիա) հասցեին իր քննադատությունը չի վտանգում օրենսդիրի կյանքը։
Ավելի վաղ՝ նոյեմբերի 16-ին, Թեյլոր-Գրինը CNN-ին տված հարցազրույցում ասել էր, որ Թրամփի մեկնաբանությունները իր «դավաճան» լինելու մասին կարող են «ռադիկալացնել մարդկանց» և վտանգել իր կյանքը։
Նա նաև հույս է հայտնել, որ ինքն ու Թրամփը, ի վերջո, կկարողանան լուծել իրենց տարաձայնությունները։
«Ես չեմ կարծում, որ նրա կյանքը վտանգված է։ Անկեղծ ասած, չեմ կարծում, որ որևէ մեկին դա հետաքրքրում է», - կիրակի օրը լրագրողների հետ զրույցում ասել է ամերիկացի առաջնորդը՝ Ֆլորիդայից Վաշինգտոն թռիչքից առաջ։
Սպիտակ տան ղեկավարը կրկին օգտագործեց «դավաճան» բառը՝ ի պատասխան Գրինի մասին հարցի։
