Կոլումբիական զորքերը ռմբակոծություններ են իրականացրել Վենեսուելայի սահմանի մոտ, որի հետևանքով զոհվել է ինը մարդ, հաղորդում է Agence France-Presse-ը՝ հղում անելով երկրի պաշտպանության նախարարության աղբյուրին։
«Կոլումբիական զինվորականները ռմբակոծություններ են իրականացրել Վենեսուելայի սահմանի մոտ, որի արդյունքում սպանվել է ինը ապստամբ (թմրանյութերի ապօրինի շրջանառությամբ զբաղվող խումբ)», - AFP-ին հայտնել է երկրի պաշտպանության նախարարության անանուն աղբյուրը՝ չնշելով, թե մահացածները որ խմբին են պատկանել։
Գործակալության տվյալներով՝ ռազմական գործողությունը իրականացվել է Կոլումբիայի Արաուկա դեպարտամենտում։ Այն նախագահ Գուստավո Պետրոյի՝ թմրավաճառների դեմ պայքարի մի մասն էր։
«Ֆրանս Պրես»-ը հիշեցնում է, որ այս շաբաթ կոլումբիական զինվորականները ավիահարվածներ են հասցրել Ամազոնի տարածաշրջանին՝ սպանելով Կոլումբիայի հեղափոխական զինված ուժերի (FARC) անջատողական խմբավորման 19 անդամի։
