Միացյալ Նահանգները պետք է որոշում կայացնի այն մասին, թե արդյոք Ռուսաստանը հանձնառու է Ուկրաինայի հարցի կարգավորմանը։ Այս մասին հայտարարել է պետքարտուղար Մարկո Ռուբիոն՝ Օնտարիոյում G7-ի արտաքին գործերի նախարարների հանդիպումից հետո լրագրողների հետ զրույցում։
«Մենք հիմա պետք է այդ որոշումը կայացնենք։ Նրանք պահանջ են ներկայացրել, որի հետ Ուկրաինան չի կարող համաձայնվել», - ասել է Ռուբիոն՝ պատասխանելով այն հարցին, թե արդյոք ԱՄՆ-ն կարծում է, որ Ռուսաստանը հավատարիմ չէ Ուկրաինայում խաղաղությանը։
Ռուբիոն նշել է, որ Վաշինգտոնը «կարող է ելնել միայն այն բանից, ինչ իր դիտարկում է», միաժամանակ ընդունելով, որ Ռուսաստանի զինված ուժերը «որոշակի հաջողությունների են հասել» ԴԺՀ-ում։
