Թուրքիայի արտաքին գործերի նախարար Հաքան Ֆիդանը հայտնել է, որ ԱՄՆ կատարած իր այցի ընթացքում նա կարողացել է մանրամասն քննարկել Ուկրաինայի, Իրանի, Պաղեստինի և Սիրիայի հարցերը ԱՄՆ նախագահի հատուկ ներկայացուցիչ Սթիվեն Ուիթքոֆի հետ։
«Մենք հնարավորություն ունեցանք մանրամասն քննարկելու պաղեստինյան գործին վերաբերող բազմաթիվ հարցեր, որոնց համար պատասխանատու է Սթիվ Ուիթքոֆը։ Ինչպես գիտեք, դեռևս կան կարևոր չլուծված հարցեր, որոնք կապված են հրադադարի հետ։
Ուիթկոֆը նաև վերահսկում է ռուս-ուկրաինական հարցը, ուստի, մենք մանրամասն քննարկումներ ունեցանք այս թեմայի շուրջ։
Մենք քննարկեցինք, թե ինչ կարելի է անել այս կարևոր պահին պատերազմը դադարեցնելու համար, ինչ դեր կարող է խաղալ Թուրքիան և ինչպես կարող ենք համագործակցել Միացյալ Նահանգների հետ այս համատեքստում», -ասել է Ֆիդանը, մեկնաբանելով ԱՄՆ կատարած իր ուղևորության արդյունքները թուրքական լրատվամիջոցներին։
Նա նշել է, որ Թուրքիայի նախագահ Ռեջեփ Թայիփ Էրդողանը «որոշակի տեսակետներ ունի այս հարցերի վերաբերյալ»։ «Հանդիպման ժամանակ մենք ուրվագծեցինք մեր որոշ գնահատականներ և հաջորդ քայլերը», - ասել է նա։
