ԱՄՆ Պետդեպարտամենտի ղեկավար Էնթոնի Բլինքենը կոչ է արել հետաքննել Վրաստանում ընտրությունների հնարավոր խախտումները։
«Մենք միանում ենք ընտրությունների խախտումների մասին բոլոր հաղորդումների ամբողջական հետաքննության կոչերին»,-ասվում է Բլինքենի հայտարարության մեջ, որը հրապարակվել է Պետքարտուղարության կողմից:
Միաժամանակ, ինչպես նշել է Բլինքենը, միջազգային և տեղական դիտորդները խոստովանել են, որ ընտրությունները Վրաստանում հիմնականում անցել են նորմերին համապատասխան։
Վրաստանի Կենտրոնական ընտրական հանձնաժողովը կիրակի ավարտել է բոլոր ընտրատեղամասերի ձայների հաշվարկը։ Քվեաթերթիկների մշակման արդյունքներով՝ իշխող «Վրացական երազանք»-ը հավաքել է ձայների 53,91 տոկոսը։
Խորհրդարան են անցել նաեւ չորս ընդդիմադիր կուսակցություններ՝ ստանալով ընդհանուր 37,78%:
