ԱՄՆ-ը և Հունգարիան ստորագրել են միջուկային էներգիայի խաղաղ օգտագործման վերաբերյալ հուշագիր, որի համաձայն Բուդապեշտը կգնի ամերիկյան միջուկային վառելիք 114 միլիոն դոլարի չափով, հայտարարել է Պետդեպարտամենտը։
«Միացյալ Նահանգները և Հունգարիան ստորագրել են միջուկային էներգիայի վերաբերյալ փոխըմբռնման հուշագիր։ Հունգարիան հայտնել է իր մտադրությունը՝ աջակցել մինչև 10 փոքր մոդուլային ռեակտորների զարգացմանը՝ նախնական 20 միլիարդ դոլար արժողությամբ»,-ասվում է հայտարարության մեջ։
Գերատեսչությունը հավելել է, որ ամերիկյան միջուկային վառելիքի մատակարարման պայմանագիրը գնահատվում է 114 միլիոն դոլար։
