ԱՄՆ նախագահ Դոնալդ Թրամփը հայտարարել է, որ Ուզբեկստանը երեք տարվա ընթացքում գրեթե 35 միլիարդ դոլար կներդնի ամերիկյան տնտեսությունում՝ ապրանքների գնման և ներդրումների միջոցով։
«Ուրախ եմ հայտարարել Միացյալ Նահանգների և Ուզբեկստանի միջև անհավանական առևտրատնտեսական գործարքի մասին», – գրել է ամերիկացի առաջնորդը Truth Social սոցիալական ցանցում։
Հաջորդ երեք տարիների ընթացքում Ուզբեկստանը կգնի արտադրանք և կներդնի գրեթե 35 միլիարդ դոլար ամերիկյան հիմնական ոլորտներում՝ ներառյալ կարևորագույն հանքանյութերը, ավիացիան, ավտոպահեստամասերի արտադրություն, ենթակառուցվածքներ, գյուղատնտեսություն, էներգետիկա, քիմիական արդյունաբերություն, տեղեկատվական տեխնոլոգիաներ և այլն, իսկ հաջորդ տասը տարիների ընթացքում՝ ավելի քան 100 միլիարդ դոլարով։Թրամփը երախտագիտություն է հայտնել Ուզբեկստանի նախագահ Շավքաթ Միրզիյոևին և վստահեցրել, որ Միացյալ Նահանգները հանձնառու է երկրի հետ «երկարատև և արդյունավետ հարաբերություններին»։
