Ղազախստանը մտադիր է միանալ Իսրայելի հետ հարաբերությունների կարգավորման վերաբերյալ Աբրահամի համաձայնագրերին, հաղորդում է Axios-ը՝ հղում անելով իր աղբյուրներին։
Ղազախստանի նախագահ Կասիմ-Ժոմարտ Տոկաևը, ինչպես սպասվում է, համապատասխան որոշման մասին կհայտարարի Սպիտակ տանը իր ամերիկացի գործընկեր Դոնալդ Թրամփի հետ հանդիպման ժամանակ։
Ինչպես նշում է պորտալը, չնայած այն հանգամանքին, որ Ղազախստանի և Իսրայելի միջև դիվանագիտական հարաբերությունները հաստատվել են ավելի քան 30 տարի առաջ, նման քայլը նպատակ ունի «նոր խթան հաղորդել Աբրահամի համաձայնագրերին՝ որպես ամերիկյան նախաձեռնություն՝ Իսրայելի համագործակցությունը արաբական և մուսուլմանական երկրների հետ ամրապնդելու համար», և ցույց տալ, որ դա «ակումբ է, որին շատ երկրներ ցանկանում են միանալ»։
Ամերիկյան վարչակազմը բազմիցս ընդգծել է, որ փորձում է ապահովել, որ առաջին հերթին Սաուդյան Արաբիան միանա Աբրահամի համաձայնագրերին։
