Հրադադարի ուժի մեջ մտնելուց ի վեր, Գազայի հատվածի բնակիչները ստացել են իրենց հիմնական կարիքները հոգալու համար անհրաժեշտ մարդասիրական օգնության 30%-ից պակասը, հայտնում է Գազայի հատվածի կառավարության մամուլի ծառայությունը, որը այս տեղեկատվությունը հրապարակել է իր Telegram ալիքում։
Նրա խոսքով՝ հրադադարից ի վեր Գազայի հատված է մտել մարդասիրական օգնություն տեղափոխող 4453 մեքենա՝ նախատեսված 15600-ից, ինչը կազմում է իրական կարիքների ոչ ավելի, քան 28%-ը։
Տեղական իշխանությունների տվյալներով՝ անհրաժեշտ 600 բեռնատարներից օրական միայն մոտ 170-ն է մտնում Գազայի հատված, ինչի պատճառով Գազան բախվում է սննդի, դեղորայքի, բժշկական սարքավորումների և վառելիքի սուր պակասի։
Մամուլի ծառայությունը մեղադրեԼ է Իսրայելին Գազայի «շարունակական խեղդող շրջափակման» համար՝ մեղադրելով հրեական պետության իշխանություններին անկլավում սով հրահրելու փորձերի մեջ։
Հոկտեմբերի 6-ին Իսրայելի և պաղեստինյան ՀԱՄԱՍ շարժման պատվիրակությունները վերսկսեցին անուղղակի բանակցությունները՝ Գազայի հակամարտության կարգավորման համար, որոնք միջնորդությամբ վարում են Եգիպտոսը, Կատարը, ԱՄՆ-ն և Թուրքիան։
