ԱՄՆ-ն պատրաստվում է ռազմական կոնտինգենտ տեղակայել Դամասկոսի ավիաբազայում՝ Սիրիայի և Իսրայելի միջև ապագա անվտանգության պայմանագիրն ապահովելու համար, հաղորդում է Reuters-ը։
Գործակալության աղբյուրների տվյալներով՝ «Սիրիայի մայրաքաղաք զորքեր տեղակայելու ԱՄՆ ծրագրերը, որոնց մասին նախկինում չի հաղորդվել, կարող են լինել Սիրիայի ռազմավարական վերակողմնորոշման նշան դեպի ԱՄՆ»։
Ըստ «Ռոյթերս»-ի՝ բազան գտնվում է Սիրիայի հարավի մուտքի մոտ, որը նախատեսվում է դառնալ ապառազմականացված գոտի՝ համաձայն Իսրայելի և Սիրիայի միջև կնքված չհարձակման մասին պայմանագրի։ Ըստ որոշ տեղեկությունների՝ այս գործարքը միջնորդվում է ԱՄՆ նախագահ Դոնալդ Թրամփի վարչակազմի կողմից։
Ինչպես նշվում է հրապարակման մեջ, Սիրիայի նոր իշխանությունները բանակցություններ են վարում Թրամփի վարչակազմի հետ Սիրիայի տարածքում ամերիկյան բազաների ապագայի վերաբերյալ։
