ՄԱԿ-ի Անվտանգության խորհրդի (ԱԽ) անդամներին ԱՄՆ-ի կողմից ներկայացված Գազայի հատվածի վերաբերյալ բանաձևի նախագիծը ներառում է Համաշխարհային բանկին առաջարկ՝ մինչև 2027 թվականի վերջը պաղեստինյան անկլավի վերականգնման համար հատուկ հիմնադրամ ստեղծելու վերաբերյալ, հաղորդում է կատարյան «Ալ Ջազիրա» հեռուստաալիքը՝ հղում անելով աղբյուրին։
«Վաշինգտոնը պաշտոնապես ՄԱԿ-ի Անվտանգության խորհրդի անդամներին է տարածել Գազայի վերաբերյալ բանաձևի նախագիծը», - ասել է հեռուստաալիքի աղբյուրը։ Նրա խոսքով՝ փաստաթղթում ներառված է Համաշխարհային բանկին առաջարկ՝ ստեղծել հատուկ հիմնադրամ՝ Գազայի հատվածի վերականգնման և վերակառուցման ֆինանսավորման համար, որը կգործի մինչև 2027 թվականի վերջը։
Ինչպես ավելի վաղ հայտնել էր Axios-ը, երկուշաբթի օրը ԱՄՆ պաշտոնյաները ՄԱԿ-ի Անվտանգության խորհրդում մի քանի երկրների են ներկայացրել Գազայի վերաբերյալ բանաձևի նախագիծ։
