Չինացի երեք տիեզերագնացների վերադարձը Երկիր հետաձգվել է անորոշ ժամկետով, քանի որ նրանց տիեզերանավը ենթադրաբար բախվել է տիեզերական աղբի փոքր կտորի. հայտնում են Չինաստանի պետական լրատվամիջոցները։
«Shenzhou-20» առաքելության երեք տիեզերագնացները ապրիլին մեկնել են Թյանգուն տիեզերակայան, և նախատեսվում էր, որ վեցամսյա առաքելությունից հետո կվերադառնան նոյեմբերի 5-ին։
Սակայն Չինաստանի Տիեզերական թռիչքների գործակալությունը հայտնել է, որ տիեզերանավը ենթադրաբար բախվել է ուղեծրային աղբի փոքր կտորի, և այժմ գնահատվում են դրա հետևանքներն ու հնարավոր ռիսկերը։
Չինացի տիեզերագնացները երբևէ չեն այցելել Միջազգային տիեզերակայան՝ ԱՄՆ օրենքի պատճառով, որը արգելում է NASA-ին համագործակցել Չինաստանի հետ, սակայն Պեկինը հայտարարել է՝ պատրաստ է միջազգային համագործակցության։
