Ճապոնիայի նոր վարչապետ Սանաե Տակաիչին հեռախոսազրույց է ունեցել Վլադիմիր Զելենսկիի հետ, հայտնում է Ճապոնիայի արտաքին գործերի նախարարությունը։
Սա Տակաիչիի առաջին զրույցն է Զելենսկու հետ՝ հոկտեմբերի 21-ին Ճապոնիայի կառավարության ղեկավարի պաշտոնը ստանձնելուց ի վեր։
Ճապոնիայի արտաքին գործերի նախարարության կողմից տարածված հայտարարության համաձայն, նրանց զրույցը տևել է մոտ 30 րոպե:
«Վարչապետ Տակաիչին ընդգծել է, որ «Ճապոնիան կկանգնի Ուկրաինայի կողքին» դիրքորոշումը չի փոխվի», - ասվում է Ճապոնիայի արտաքին գործերի նախարարության հայտարարության մեջ:
Տակաիչին նաև խոստացել է շարունակել իր «վճռական աջակցությունը Ուկրաինային՝ ուղղված արդար և տևական խաղաղության հասնելուն»։ Վարչապետը նաև անձնական հարգանք է հայտնել Զելենսկու նկատմամբ։
