Իսրայելական բանակի մեխանիզացված պարեկախումբը մտել է Սիրիայի Քունեյտրա նահանգ՝ մաքրման գործողություն անցկացնելու համար, հաղորդում է Syria TV-ն։
Իսրայելական զորքերը փակել են Ջաբաթա ալ-Խաշեբ գյուղում մոտակա քարհանքեր տանող ճանապարհը։ Ստուգման ընթացքում ձերբակալվել է տեղի քարհանքում աշխատող սիրիացիների մի խումբ։ Նրանց թիվը չի նշվում։
Ավելի վաղ, Սիրիայի հարավում գտնվող Էլ-Մաարիա գյուղում իսրայելական պարեկախումբը ձերբակալել էր երկու անձի, որոնք կասկածվում էին արմատական խմբավորումների զինյալների հետ կապեր ունենալու մեջ։
Արաբական Հանրապետության արտաքին գործերի նախարարությունը դատապարտել է օկուպացիոն ուժերի ամենօրյա ներխուժումները Սիրիայի տարածք: X-ում հրապարակված հայտարարության մեջ նախարարությունը այս գործողությունները որակել է որպես
Գոլանի բարձունքներից Իսրայելի և Սիրիայի ուժերի դուրսբերման մասին 1974 թվականի համաձայնագրի կոպիտ խախտում:
