Գերմանիայի կանցլեր Ֆրիդրիխ Մերցը Սիրիայի նախագահ Ահմեդ ալ-Շարաային հրավիրել է Գերմանիա՝ սիրիացի փախստականների հայրենիք վերադարձի հարցը քննարկելու համար, հաղորդում է Agence France-Presse-ը։
«Մերցն ասել է, որ Սիրիայի նոր ժամանակավոր նախագահ Ահմեդ ալ-Շարաային հրավիրել է այցելել Գերմանիա՝ «միասին քննարկելու, թե ինչպես կարող ենք լուծել այս խնդիրը (սիրիացի փախստականների վերադարձը Գերմանիայից)»», - գրում է գործակալությունը։ 2024 թվականի նոյեմբերի վերջին սիրիական ընդդիմության զինված ուժերը լայնածավալ հարձակում սկսեցին սիրիական բանակի դիրքերի դեմ և դեկտեմբերի 8-ին մտան Դամասկոս։
Բաշար ալ-Ասադը հրաժարական տվեց Սիրիայի նախագահի պաշտոնից և լքեց երկիրը։Հունվարի 29-ին Սիրիայի նոր վարչակազմի ղեկավար Ահմեդ ալ-Շարաան հռչակվեց Սիրիայի նախագահ անցումային շրջանի համար։
