Երկուշաբթի օրը ԱՄՆ պաշտոնյաները ՄԱԿ-ի Անվտանգության խորհրդում մի քանի երկրների ներկայացրեցին բանաձևի նախագիծ, որը նախատեսում է միջազգային կայունացման ուժեր ստեղծել Գազայի հատվածում առնվազն երկու տարով: Այս մասին հայտնել է Axios-ը:
Ինչպես նշվում է հրապարակման մեջ, նախագիծը նախատեսում է «Միացյալ Նահանգներին և մյուս մասնակից երկրներին լայն լիազորություններ տրամադրել Գազայի հատվածը կառավարելու և անվտանգությունն ապահովելու համար մինչև 2027 թվականի վերջը՝ երկարաձգման հնարավորությամբ»։
Ամերիկացի պաշտոնյան պարզաբանել է, որ փաստաթուղթը ՄԱԿ-ի Անվտանգության խորհրդում կքննարկվի առաջիկա օրերին։ Վաշինգտոնի վարչակազմը ցանկանում է, որ բանաձևի վերաբերյալ քվեարկությունը տեղի ունենա ավելի ուշ, իսկ միջազգային ուժերի տեղակայումը պաղեստինյան անկլավ սկսվի մինչև հունվար։
