Սիրիայի արտաքին գործերի նախարար Ասաադ ալ-Շիբանին հաստատել է, որ երկրի ժամանակավոր նախագահ Ահմեդ ալ-Շարաան նոյեմբերին կայցելի Միացյալ Նահանգներ, կիրակի օրը հաղորդել է SANA լրատվական գործակալությունը։
«Այս ամիս նախագահ ալ-Շարաան նախատեսում է այցելել Սպիտակ տուն, որտեղ նա բանակցություններ կվարի Սիրիայի հետպատերազմյան վերականգնմանը վերաբերող հարցերի շուրջ», – նախարարի խոսքերն է մեջբերում գործակալությունը։
Այցի ընթացքում նախատեսվում է նաև քննարկել Սիրիայի դեմ պատժամիջոցների լիակատար վերացման հարցը: Սիրիայի արտգործնախարարի խոսքով՝ «պատժամիջոցները շարունակելու որևէ պատճառ չկա»:
