20-ամյա Քրուզը՝ Դեյվիդ և Վիկտորիա Բեքհեմների կրտսեր զավակը, որոշել է փորձել իր ուժերը նոր երաժշտական ժանրում: Հայտնի զույգի ժառանգորդը թողարկել է երկու ռոք երգ։
Քրուզի երաժշտական ճանապարհորդությունը սկսվել է մանկուց. 2016 թվականին 11-ամյա երաժիշտը թողարկել է իր առաջին երգը՝ «Եթե ամեն օր Սուրբ Ծնունդ լիներ»: Այն ժամանակ դա հուզիչ փոփ կոմպոզիցիա էր՝ մանկական պատկերացմամբ այն մասին, թե որքան հրաշալի կլիներ, եթե Սուրբ Ծնունդը նշվեր ամեն օր։
Տարիների ընթացքում Բեքհեմ կրտսերի երաժշտական ոճը նկատելիորեն փոխվել է: Նրա աշխատանքներն այժմ անցել են ռոք հնչողությանը. նրա կոմպոզիցիաներում գերակշռում են աղավաղված կիթառային ռիֆերը, ժամանակակից սինթեզատորները և հզոր բասային գծերը: Քնարական թեմաները նույնպես ավելի հասուն են դարձել։
Երիտասարդ արտիստի առաջին ռոք կոմպոզիցիաները՝ «Օպտիկա» և «Լիզիր դոդոշը», ստեղծվել են The Kooks խմբի Լյուկ Փրիչարդի հետ համագործակցությամբ: Երգերի պրոդյուսերներն են եղել փորձառու մասնագետներ Ջասթին Ռեյզենը (ով համագործակցել է Չարլի XCX-ի և Yeah Yeah Yeahs-ի հետ) և Լյուիս Պեսակովը:
Թարգմանությունը՝ Euromedia24.com-ի
