Մայիսի 21-ին Գրինֆիլդ քաղաքում (Այովայի նահանգ) տեղի ունեցած տոռնադոյի հետեւանքով զոհվել է չորս մարդ, տուժել 35 հոգի։ Այս մասին չորեքշաբթի տեղեկացրել է նահանգի հանրային անվտանգության դեպարտամենտը։Նշվել է, որ տուժածների թիվը կարող է ավելին լինել, քանի որ հաշվարկի ժամանակ հաշվառվել են միայն այն մարդիկ, ովքեր դիմել են բուժօգնություն ստանալու համար։Associated Press գործակալության տվյալներով՝ տարերքի հարվածի հետեւանքով փլուզվել է քաղաքի տների մի մասը, վնասվել է տեղի հիվանդանոցը, ինչի պատճառով տուժածներին ստիպված տեղափոխել են այլ հաստատություններ։ ԱՄՆ Ազգային օդերեւութաբանական ծառայությունը տեղեկացրել է, որ մայիսի 21-ին տոռնադոյի մասին ավելի քան 20 տեղեկություն է ստացել, որոնց մեծ մասը գրանցվել է Այովայում։
ԱՄՆ-ում պտտահողմի պատճառով զոհվել է չորս մարդ
23.05 13:00 |
Կատեգորիա
ԱՄՆ
