Երգչուհի Սլավան Instagram-ում հայտնել է, որ չեղարկում է «Ծակոտիներում բախող կայծակը» երգի տեսահոլովակի թողարկումը։
Սլավան բացատրել է, որ իրեն «խաբել է» Միխայիլ Գուցերիևի անվան պրոդյուսերական կենտրոնը։
«Մեկուկես տարի նրանք ինձ խոստանում էին ռեժիսորներ, սցենարներ։ Խոստանում էին ֆինանսավորում, ինչպես միշտ օգնում են արտիստներին, երբ նկարահանվում է տեսահոլովակ Միխայիլ Սաֆարբեկովիչ Գուցերիևի բանաստեղծությունների հիման վրա։
Նրանք մեկուկես տարի սպասեցրին ինձ, բայց երբեք ոչինչ չտվեցին։ Նույնը վերաբերում է համերգի աջակցությանը։ Մի խոսքով, ես չգիտեմ, թե ինչ է կատարվում այնտեղ», - կիսվել է երգչուհին։
Սլավան հույս ունի, որ ր իր խոսքերը կհասնեն ընկերության ղեկավարությանը։ Արտիստուհու խոսքով՝ ինքը ներկայումս բավարար միջոցներ չունի որակյալ արտադրանք ստեղծելու համար։ Նա նաև նշել է, որ տեսահոլովակն այս փուլում վատն է ։ Նա չի ցանկանում ցածրորակ բովանդակություն թողարկել։
Սլավան հավելեց, որ այլևս չի պլանավորում համագործակցել Միխայիլ Գուցերիևի անվան պրոդյուսերական կենտրոնի հետ։
«Ես երբեք ոչինչ չեմ խնդրել պրոդյուսերական կենտրոնից։ Երբեք։ Նրանք իրենք են առաջարկել և ֆինանսավորել իրենց երգերը։ Հիմա նրանք պարզապես խաբել են ինձ։ Ես իմ սեփական գումարն եմ ներդրել համերգի մեջ, որը նույնպես խոստացվել էր։ Ես այլևս օլիգարխի կին չեմ», - հայտարարել է արտիստը։
Թարգմանությունը՝ Euromedia24.com-ի
