ԱՄՆ նախագահ Դոնալդ Թրամփը հայտարարել է, որ Վաշինգտոնում գտնվող Սպիտակ տան համալիրում սկսվել է մեծ պարահանդեսային դահլիճի շինարարությունը։
«Ուրախ եմ հայտարարել, որ Սպիտակ տան տարածքում սկսվել է նոր, մեծ և գեղեցիկ պարահանդեսային դահլիճի շինարարությունը։ Արևելյան թևը, որն ամբողջությամբ անջատ է Սպիտակ տնից, ամբողջությամբ վերանորոգվում է այս գործընթացի շրջանակներում և ավելի գեղեցիկ կլինի, երբ ավարտվի», - գրել է Թրամփը Truth Social-ում։
Նա ընդգծել է, որ այս աշխատանքները չեն պահանջի ամերիկյան բյուջեից ֆինանսավորում, քանի որ շինարարությունը կֆինանսավորվի անհատների, ընկերությունների և անձամբ Թրամփի մասնավոր ներդրումների միջոցով։
«Ավելի քան 150 տարի շարունակ ԱՄՆ յուրաքանչյուր նախագահ երազել է Սպիտակ տան պարահանդեսային դահլիճ ունենալ՝ պետական ընդունելություններ, պետական այցեր և այլն անցկացնելու համար։ Ես պատիվ եմ համարում լինել առաջին նախագահը, որը վերջապես կյանքի է կոչել այս խիստ անհրաժեշտ նախագիծը», - հավելել է Թրամփը։
