ԱՄՆ նախագահ Դոնալդ Թրամփը կարող է բարձրացնել Նորվեգիայի նկատմամբ առևտրային մաքսատուրքերը, եթե Նորվեգիայի Նոբելյան կոմիտեն նրան չշնորհի Խաղաղության մրցանակ, գրում է բրիտանական The Daily Telegraph թերթը։
Նորվեգիան պետք է պատրաստ լինի ԱՄՆ-ի հնարավոր գործողություններին՝ հաշվի առնելով, որ Թրամփը, որը բացահայտ խոսել է Նոբելյան խաղաղության մրցանակը շահելու իր ցանկության մասին, և հաճախ «պատժում է նրանց, ովքեր նեղացնում են իրեն»։
Հոդվածում նշվում է, որ Սպիտակ տան ղեկավարը, մասնավորապես, կարող է կոչ անել այլ երկրներին հրաժարվել նորվեգական գազ կամ նավթ գնելուց կամ սահմանափակել Օսլոյի հետ պաշտոնական շփումները։Թրամփի դաշնակիցները նախկինում սպառնացել էին վիզային սահմանափակումներ մտցնել Նորվեգիայի նկատմամբ, այն բանից հետո, երբ թագավորության պետական կենսաթոշակային հիմնադրամը հայտարարեց իր բաժնեմասը վաճառելու մասին աշխարհի խոշորագույն շինարարական սարքավորումների արտադրողներից մեկի՝ Caterpillar-ում՝ Իսրայելի կառավարության կողմից Գազայի հատվածում պաղեստինյան տները քանդելու համար բուլդոզերների և այլ սարքավորումների օգտագործման պատճառով։
