Իսրայելի բանակը դադարեցրել է Գազայի հատվածի վրա ավիահարվածները։ Կատարի Al Jazeera հեռուստաալիքի հաղորդմամբ՝ հարվածները դադարեցվել են հրեական պետության կառավարության կողմից հրադադարի համաձայնագրի հաստատումից հետո։
Ավելի վաղ հաղորդվել էր, որ արմատական պաղեստինյան ՀԱՄԱՍ շարժումը պահանջել է, որ Գազայի հատվածում անուղղակի հրադադարի բանակցությունների միջնորդները և ԱՄՆ ղեկավարությունը պարտավորեցնեն Իսրայելին դադարեցնել անկլավի հրետակոծությունը։
Հայտարարության մեջ նշվում է, որ Գազա քաղաքի արևմտյան շրջանների ռմբակոծության հետևանքով զոհվել և վիրավորվել է ավելի քան 70 մարդ։Հինգշաբթի երեկոյան ԱՄՆ նախագահ Դոնալդ Թրամփը հայտարարեց, որ Իսրայելի և ՀԱՄԱՍ-ի ներկայացուցիչները Եգիպտոսում կայացած բանակցություններից հետո համաձայնագրեր են ստորագրել խաղաղության ծրագրի առաջին փուլի վերաբերյալ։
