Իսրայելը և արմատական պաղեստինյան ՀԱՄԱՍ շարժումը, ինչպես սպասվում է, այսօր՝ Մոսկվայի ժամանակով 12:00-ին, կստորագրեն համաձայնագիր, որը կիրականացնի ԱՄՆ նախագահ Դոնալդ Թրամփի՝ Գազայի հակամարտության կարգավորման խաղաղության ծրագրի առաջին փուլը, հայտնում է Reuters-ը։
Անկլավում հրադադարը ուժի մեջ կմտնի համաձայնագրի կնքումից անմիջապես հետո։ Գործակալության աղբյուրը պարզաբանել է, որ Իսրայելի մասնակի դուրսբերման առաջին փուլը Գազայի հատվածից կսկսվի համաձայնագրի կնքումից հետո 24 ժամվա ընթացքում։
ՀԱՄԱՍ-ի աղբյուրը «Ռոյթերս»-ին հայտնել է, որ կենդանի մնացած պատանդները կվերադարձվեն անկլավից Իսրայելի կառավարության կողմից գործարքի հաստատումից հետո 72 ժամվա ընթացքում, որը տեղի կունենա հոկտեմբերի 11-ին: Արմատականները պնդում են, որ ավելի շատ ժամանակ տրամադրվի փլատակներից զոհված պատանդների մարմինները, որոնց թիվը, ենթադրաբար, առնվազն 28 է, դուրս բերելու համար:
