ՌԴ նախագահի մամուլի քարտուղար Դմիտրի Պեսկովը մեկնաբանել է Հյուսիսային Կորեայի առաջնորդ Կիմ Չեն Ընի՝ 2025 թվականին Ռուսաստան այցի հնարավորությունը։ Այս մասին գրում է ՏԱՍՍ-ը։
Նրա խոսքով՝ մերձավոր հարևան երկրները մշտապես այցերով փոխանակվում են բարձր մակարդակներով։
Կիմ Չեն Ընը երկու անգամ այցելել է Ռուսաստան. 2019 թվականին Ռուսաստանի Դաշնության և ԿԺԴՀ ղեկավարների միջև բանակցություններ են տեղի ունեցել Վլադիվոստոկում, իսկ 2023 թվականին Ռուսաստանի նախագահ Վլադիմիր Պուտինը և Կիմ Չեն Ընը միասին այցելել են Ամուրի մարզում գտնվող «Վոստոչնի» տիեզերակայան։
