Թուրքիայի նախագահ Ռեջեփ Թայիփ Էրդողանը հայտարարել է, որ ուշադիր հետևում է Սիրիայում տիրող իրավիճակին և թույլ չի տա, որ երկիրը շարունակի անկայունության մեջ գլորվել։ Քրդական ուժերը պետք է ինտեգրվեն նոր կառավարական կառույցներին։
«Մենք երբեք թույլ չենք տա, որ Սիրիան կրկին անկայունության մեջ գլորվի։ Թուրքիան ուշադիր հետևում է այդ երկրում տեղի ունեցող բոլոր զարգացումներին։ Քրդական Սիրիայի դեմոկրատական ուժերը պետք է պահեն իրենց խոստումները և լիակատար ինտեգրվեն Սիրիայի հետ։
Սիրիայի կառավարությունը պահպանել է Հալեպում լարվածության նկատմամբ զգայուն մոտեցում և հայտարարել է, որ ՍԴՈւ-ից ակնկալվում է պահպանել մարտի 10-ի համաձայնագիրը։
«Սիրիայի տարածքային ամբողջականությունը մեզ համար չափազանց կարևոր է։ Մենք չենք ընդունի այն անտեսող որևէ գործողություն», - լրագրողներին ասել է Էրդողանը Ադրբեջանից վերադառնալուց հետո։
Նախագահի խոսքով՝ «թուրքերի, քրդերի և արաբների դաշինքը տարածաշրջանում երկարատև խաղաղության և անդորրի գրավականն է»։
