Իսրայելական ուժերը բաց ծովում կալանել են Գազայի հատված ուղևորվող նավերի ևս մեկ խումբ, հաղորդում է Իսրայելի արտաքին գործերի նախարարության մամուլի ծառայությունը։
«Գազայի հատվածի օրինական ծովային շրջափակումը խախտելու և մարտական գոտի մտնելու ևս մեկ անհաջող փորձ ձախողվեց։ Նավերն ու ուղևորները հասցվել են Իսրայելի նավահանգիստ։ Բոլոր ուղևորները ողջ և առողջ են, և սպասվում է, որ նրանք կարտաքսվեն շատ մոտ ապագայում», - հայտարարել է նախարարությունը։
Ըստ The Times of Israel-ի, խոսքը «Ազատության նավատորմի» կոալիցիայի ինը նավերից բաղկացած խումբ էր, որոնք տեղափոխում էին մոտ 100 պաղեստինամետ ակտիվիստների, որոնց նպատակն էր ճեղքել Գազայի շրջափակումը։
